Ատլանտյան օվկիանոսի կենտրոնական հատվածում 6.9 մագնիտուդ ուժգնությամբ երկրաշարժ է գրանցվել

Ատլանտյան օվկիանոսի կենտրոնական հատվածում՝ Համբարձման կղզուց հյուսիս, 6.9 մագնիտուդ ուժգնությամբ երկրաշարժ է գրանցվել:

«Արմենպրես»-ի հաղորդմամբ՝ այս մասին հայտնում է «Ինտերֆաքս»-ը՝ հղում անելով Ռուսաստանի գիտությունների ակադեմիայի միասնական երկրաֆիզիկական ծառայության Ալթայ-Սայան մասնաճյուղին։ 

Երկրաշարժը գրանցվել է հոկտեմբերի 13-ին, էպիկենտրոնը գտնվել է Համբարձման կղզուց 990 կմ հյուսիս։ 

Ռուսաստանի գիտությունների ակադեմիայի ծառայության գնահատմամբ՝ էպիկենտրոնում ստորգետնյա ցնցումների ուժգնությունը եղել է ավերիչ։

ԱՄՆ երկրաբանական ծառայության տվյալներով՝ երկրաշարժի օջախը գտնվել է 10 կմ խորության վրա։