Բուլղարիայի ԱԺ նախագահը հայտարարել է, որ երկիրը երբեք չպետք է կասկածի իր եվրոպական ուղղվածության հարցում. BTA
2 րոպեի ընթերցում
Հոդվածը հրապարակվում է «Արմենպրես»-ի և BTA-ի միջև ստորագրված համաձայնագրի շրջանակում։
Բուլղարիայի ազգային ժողովի նախագահ Միհաելա Դոցովան Ազգային և համաշխարհային տնտեսության համալսարանում անցկացվող «Երիտասարդական տնտեսական ֆորում 2026»-ում ուսանողներին ուղղված իր խոսքում հայտարարել է, որ Բուլղարիան երբեք չպետք է կասկածի իր եվրոպական ուղղվածության հարցում։ «Արմենպրես»-ի փոխանցմամբ՝ այս մասին հաղորդում է Բուլղարիայի ազգային լրատվական գործակալությունը (BTA)։
«Չափազանց հեշտ է բաժանարար գիծ անցկացնելը, ուստի երբեք մի՛ կասկածեք ձեր համոզմունքներին։ Համոզված եմ, որ Ազգային ժողովի ապագա նախագահները, նախարարներն ու քաղաքապետները հենց այս դահլիճում են։ Համոզված եմ, քանի որ տեսնում եմ այստեղ գտնվող մարդկանց աչքերում վառվող կրակը», - ասել է նա։
Դոցովան շնորհակալություն է հայտնել ուսանողներին՝ Բուլղարիայում կրթություն ստանալն ընտրելու համար։
«Գիտելիքը լավագույն ներդրումն է, քանի որ այն երաշխավորում է, որ ամեն ինչ կախված է ձեզնից և ձեր կամքից», - շեշտել է նա։
«Ժամանակակից պետություն, մրցունակ տնտեսություն և ավելի շատ հնարավորություններ երիտասարդների համար» խորագրով ֆորումը կազմակերպվել էր համալսարանի ուսանողական խորհրդի կողմից՝ Ուսանողական խորհուրդների ազգային ժողովի հետ համագործակցությամբ։