1 րոպեի ընթերցում
Բեռլինում փետրվարի 3-5-ը կկայանա «Fruit Logistica 2027» միջազգային ցուցահանդեսը, որը մեկ հարկի տակ կհամախմբի աշխարհի տարբեր երկրների առաջատար արտադրողների և արտահանողների։ Ցուցահանդեսի շրջանակում կներկայացվեն թարմ և սառեցված մրգեր ու բանջարեղեն, ընկուզեղեն և չրեր։
«Արմենպրես»-ի փոխանցմամբ՝ այս մասին հայտնում են ՀՀ էկոնոմիկայի նախարարությունից, նշելով, որ այս տարի «Fruit Logistica»-ն մեկնարկել է «Buyers Club» նախաձեռնությունը, որի նպատակն է համախմբել խոշոր գնորդներին։
«Ցուցահանդեսին մասնակցությունը հնարավորություն կտա ընկերություններին անմիջական կապեր հաստատել «Buyers Club»-ի անդամների հետ և զարգացնել գործարար համագործակցությունը։ Ցուցահանդեսին մասնակցելու նկատմամբ ընկերությունների հետաքրքրվածությունը գնահատելու նպատակով խնդրում ենք մինչև սույն թվականի հոկտեմբերի 26-ը գրանցվել հետևյալ հղմամբ»,-նշված է հաղորդագրության մեջ։