Եղվարդում վերգետնյա գազատար է վնասվել

Ավտոմեքենայի հարվածից վնասվել է միջին ճնշման վերգետնյա գազատար, ինչի հետևանքով հոկտեմբերի 2-ին ժամը 10:30-ից դադարեցվել է Կոտայքի մարզի Եղվարդ քաղաքի գազասպառողների գազամատակարարումը։

«Արմենպրես»-ի փոխանցմամբ՝ այս մասին հայտնում են «Գազպրոմ Արմենիա» ՓԲԸ-ից։ Ընկերությունից տեղեկացնում են, որ իրականացվում են վթարավերականգնողական աշխատանքներ։

« Գազամատակարարման վերականգնման կանխատեսվող ժամկետը ժամը 16:00-ն է»,-նշված է ընկերության տարածած հաղորդագրության մեջ։