Ադրբեջանն ու Թուրքիան սկսել են ռազմածովային անօդաչու սարքերի համատեղ արտադրությունը

Ադրբեջանում մեկնարկել է թուրքական տեխնոլոգիաներով մշակված SALVO և KAYRA ռազմածովային անօդաչու սարքերի համատեղ արտադրությունը։ Ինչպես հաղորդում է «Արմենպրես»-ը, այս մասին տեղեկացնում է Ադրբեջանի նախագահի պաշտոնական կայքէջը՝ ներկայացնելով Իլհամ Ալիևի՝ երկրի ռազմածովային ուժեր կատարած այցի արդյունքները։

Ադրբեջանի պաշտպանության նախարարության ենթակայությամբ գործող «MIRAS Military-Industrial Company» ընկերության և թուրքական «DEARSAN Shipyard» նավաշինական ընկերության համատեղ արտադրամասում ստեղծվում են երկու տեսակի սարքեր՝ SALVO զինված անօդաչու վերջրյա նավերը և KAYRA կամիկաձե անօդաչու վերջրյա նավերը։

Ալիևին ներկայացվել են սարքերի նշանակությունը և մարտավարատեխնիկական բնութագրերը։ Այնուհետև համատեղ արտադրամասում արտադրված անօդաչու նավերը գործնական փորձարկումներ են անցել։