1 րոպեի ընթերցում
Նեպալում հիդրոէլեկտրակայաններից մեկի թունելից երկու մարդու հաջողվել է ողջ դուրս բերել ջրհեղեղից ինը օր անց։ «Արմենպրես»-ի փոխանցմամբ՝ այս մասին հաղորդում է The Associated Press գործակալությունը։
Իշխանությունները հայտնել են, որ փրկվածները հիդրոէլեկտրակայանի մեխանիկական վարպետն ու մեխանիկական վերահսկիչն են։ Երկու տղամարդիկ էլ բժշկական հսկողության տակ են։
Հիդրոէլեկտրակայանի առնվազն 557 աշխատող անհետ կորած է։ Նրանցից 115-ն, ամենայն հավանականությամբ, արգելափակված են գլխավոր թունելում։ Փրկարարները կարծում են, որ նրանցից մի քանիսը կարող են ողջ լինել։
Օգոստոսի 26-ին Չինաստանի հետ սահմանին սառցադաշտի փլուզումից առաջացած ջրհեղեղի հետևանքով Նեպալում զոհվել է առնվազն 1259 մարդ։ Ավելի քան 5000 մարդ դեռ անհետ կորած է։ Չինաստանի իշխանությունների տվյալներով՝ սահմանի մյուս կողմում՝ Տիբեթում, զոհվել է առնվազն 21 մարդ, 541 մարդ անհետ կորած է։
Նեպալի 12 հիդրոէլեկտրակայաններում աշխատող 900 մարդու դեռ չի հաջողվել գտնել։ Նրանցից 500-ը, ենթադրաբար, թունելներում են։