1 րոպեի ընթերցում
Ճապոնիայի արևելքում տեղատարափ անձրևների հետևանքով 6 մարդ է զոհվել։ Ճապոնիայի օդերևութաբանական վարչությունը Տոկիոյից ոչ հեռու գտնվող Չիբայի պրեֆեկտուրայի մեծ մասում հայտարարել է տեղումների ամենաբարձր՝ 5-րդ մակարդակ։ «Արմենպրես»-ի փոխանցմամբ՝ այս մասին հաղորդում է Kyodo գործակալությունը։
Չիբա, Իչիկավա և մի շարք այլ քաղաքներում մարդկանց կոչ է արվել անմիջապես անվտանգության միջոցառումներ ձեռնարկել։ Ամբողջ պրեֆեկտուրայում ճանապարհները հեղեղվել են՝ առաջացնելով խցանումներ։
Օդերևութաբանական վարչությունը նաև սողանքների վտանգի 5-րդ մակարդակ է հայտարարել պրեֆեկտուրայի մի քանի շրջանում։
Ըստ Հրդեհների և աղետների կառավարման վարչության՝ Չիբայի և Իբարակիի պրեֆեկտուրաներում ավելի քան 400 000 մարդու տարհանման հրահանգ է տրվել, սակայն օգոստոսի 14-ի առավոտյան տարհանման հրահանգը պահպանվել է միայն Չիբայի պրեֆեկտուրայում շուրջ 100 000 մարդու համար։