1 րոպեի ընթերցում
Սիրիայի նախագահ Ահմեդ աշ-Շարաան Դամասկոսի Ժողովրդական պալատում ընդունել է քրդերի գլխավորած «Սիրիայի դեմոկրատական ուժերի» (ՍԴՈւ) ղեկավար Մազլում Աբդիին։ «Արմենպրես»-ի փոխանցմամբ՝ այս մասին հաղորդում է սիրիական SANA գործակալությունը։
Հանդիպման ընթացքում քննարկվել են հունվարի 29-ին «Սիրիայի դեմոկրատական ուժերի» հետ կնքված համաձայնագրի իրականացման վերաբերյալ հարցեր և պետական հաստատություններում ինտեգրման գործընթացի ընթացքը։
Հունվարին ստորագրված համաձայնագիրը վերջ է դրել սիրիական կառավարական ուժերի և ՍԴՈւ-ի միջև մարտերին։
Տեղեկություններ են հաղորդվում, որ անվտանգության, ռազմական և վարչական հաստատություններին վերաբերող կետերի մեծ մասը վերջնականապես համաձայնեցվել է, մինչդեռ որոշ հարցեր դեռևս պահանջում են հետագա երկխոսություն և բանակցություններ երկու կողմերի միջև։