Մեծ Բրիտանիայի ծովային գործակալությունը լցանավի վրա հարձակումից հետո բարձրացրել է Հորմուզի նեղուցում սպառնալիքի մակարդակը

Մեծ Բրիտանիայի ծովային գործակալությունը տարածաշրջանում առևտրային նավերի վրա հարձակումներից հետո Հորմուզի նեղուցում բարձրացրել է սպառնալիքի մակարդակը։ Այդ մասին տեղեկացնում է «Արմենպրես»-ը՝ վկայակոչելով Euronews-ը։ 

Ավելի վաղ «Master of Tanker» նավը տուժել էր նեղուցում անհայտ արկի հարվածից։ Նավի ղեկային խցիկը վնասվել էր, բայց անձնակազմը չէր տուժել։

Մեծ Բրիտանիայի ծովային գործակալությունը նավաստիներին զգուշացրել է Հորմուզի նեղուցում ծովային ականների առկայության մասին և հայտարարել է, որ դրանց մաքրման գործողությունների ընթացքում նավաստիները պետք է սպասեն և հետևեն հետագա ցուցումներին։

Հորմուզի նեղուցը երկար ժամանակ եղել է Վաշինգտոնի և Թեհրանի միջև լարվածության կիզակետում և կենտրոնական տեղ է զբաղեցնում նրանց միջև վերջերս համաձայնեցված փոխըմբռնման հուշագրում։