Համաշխարհային առաջնորդները ողջունել են Իրան-ԱՄՆ համաձայնության հաստատումը

Համաշխարհային առաջնորդներն ու միջազգային կազմակերպությունների ղեկավարները ողջունել են Միացյալ Նահանգների և Իրանի միջև խաղաղության շուրջ բանակցություններում համաձայնության հաստատումը, որը հունիսի 19-ին կամրագրվի Շվեյցարիայի Ժնև քաղաքում ստորագրվելիք փաստաթղթով։

Ինչպես հաղորդում է «Արմենպրես»-ը, տարբեր երկրների ղեկավարներ արձանագրել են, որ սա կարևոր քայլ է երկար տարիների հակամարտության կարգավորման ճանապարհին։

Մասնավորապես, Մեծ Բրիտանիայի վարչապետ Քիր Սթարմերը X-ի իր էջում հրապարակած հայտարարության մեջ նշել է, որ սա կարևոր քայլ է տարածաշրջանային կայունության վրեականգնման ուղղությամբ։ «Հիմա ուշադրությունը պետք է կենտրոնացնել փոխըմբռնման հուշագրի լիարժեք իրականացման վրա՝ ապահովելու համար, որ նեղուցը վերաբացվի և մնա ամբողջությամբ ու մշտապես բաց, ինչպես նաև, որ միջուկային համաձայնագրի մանրամասները վերջնականացվեն։ Մենք պատրաստ ենք աջակցել այն տեխնիկական բանակցություններին, որոնք այժմ սկսվելու են։ Մեր առաջնահերթությունն է, որ սա դառնա կայուն և երկարատև խաղաղություն, և մենք կաշխատենք միջազգային գործընկերների հետ՝ դրան աջակցելու համար»,- ասվում է հայտարարության մեջ՝ ընդգծելով, որ Բրիտանիայի հաստատուն դիրքորոշումն այն է, որ «Իրանը երբեք չպետք է ունենա միջուկային զենք»։

My statement on today's agreement between the United States and Iran. pic.twitter.com/taQZufv7ij

— Keir Starmer (@Keir_Starmer) June 14, 2026

Ֆրանսիայի նախագահ Էմանուել Մակրոնը կոչ է արել կողմերին արագ կյանքի կոչել համաձայնության բոլոր դրույթները։ «Այս համաձայնությունը պետք է հնարավորություն տա Հորմուզի նեղուցի անհապաղ և անվերապահ վերաբացմանը, ինչին պատրաստ է աջակցել Եվրոպական միության և Միացյալ Թագավորության ստեղծած միջազգային առաքելությունը։ Ռեսուրսները պատրաստ են և կարող են անմիջապես տեղակայվել։ Ծովային երթևեկության վերականգնումը՝ առանց սահմանափակումների կամ տուրքերի, տարածաշրջանային կայունության և համաշխարհային տնտեսության համար անփոխարինելի պայման է»,- ասվում է Ֆրանսիայի նախագահի հայտարարության մեջ։ Նա հավելել է, որ Ֆրանսիան կշարունակի իր լիարժեք աջակցությունը Լիբանանի իշխանությունների վճռական ջանքերին՝ պետության ինքնիշխանության վերականգնման համար։

Je salue l’accord conclu entre les États-Unis et l’Iran, fruit d’un effort diplomatique auquel ont contribué plusieurs partenaires. J’appelle à sa mise en œuvre rapide et complète par tous les belligérants.

Cet accord doit permettre la réouverture urgente et inconditionnelle…

— Emmanuel Macron (@EmmanuelMacron) June 14, 2026

Գերմանիայի կանցլեր Ֆրեդրիխ Մերցը շնորհավորել է ԱՄՆ նախագահ Դոնալդ Թրամփին և իրանական կողմին «դիվանագիտական առաջընթացի համար»։ «Սա կարող է ճանապարհ հարթել դեպի ավելի ուժեղ համաշխարհային տնտեսություն և ավելի անվտանգ Մերձավոր Արևելք»,- ասվում է նրա հայտարարության մեջ։

I welcome the agreement between the U.S. and Iran and congratulate President Trump and the Iranian side on this diplomatic breakthrough. This can pave the way towards a reinvigorated global economy and a more secure Middle East. It is crucial to implement it with determination.

— Bundeskanzler Friedrich Merz (@bundeskanzler) June 14, 2026

Ճապոնիայի վարչապետ Սանաե Տակաիչին հույս է հայտնել, որ «Հորմուզի նեղուցով ազատ և անվտանգ նավարկությունը գործնականում կապահովվի, և որ Իրանի միջուկային հարցի և այլ խնդիրների վերաբերյալ վերջնական համաձայնագիրը հնարավորինս շուտ կկնքվի»։

Եվրոպական միության արտաքին քաղաքականության և անվտանգության հարցերով բարձր ներկայացուցիչ Կայա Կալասը բեկումնային է որակել ԱՄՆ-Իրան այս համաձայնությունը՝ նշելով․ «Իրականացման դեպքում համաձայնությունը պետք է նաև մեղմի համաշխարհային էներգետիկ ճգնաժամը։

Վերջին օրերին ես խոսել եմ իրանցի և Ծոցի տարածաշրջանի գործընկերների հետ, և այսօր ԵՄ արտաքին գործերի նախարարները կքննարկեն, թե ինչպես կարող է ԵՄ-ն ներգրավվել հաջորդ փուլում։ Տնտեսական լծակներից մինչև միջուկային փորձագիտական կարողություններ և երկարամյա հարաբերություններ Ծոցի գործընկերների հետ՝ ԵՄ-ն պատրաստ է նպաստել կայուն լուծմանը»։

The US and Iran have announced a deal to end the war and re-open the Strait of Hormuz.

This marks a potential breakthrough. It can give much needed space for deeper negotiations on Iran’s nuclear programme and other critical issues. Once implemented, the deal should also ease…

— Kaja Kallas (@kajakallas) June 15, 2026

Եվրոպական խորհրդի նախագահ Անտոնիու Կոշտան բարձր է գնահատել բոլոր նրանց դիվանագիտական ջանքերը, ովքեր հնարավոր են դարձրել գործարքը։ «Զենքերը պետք է հիմա լռեն, իսկ մնացած տարաձայնությունները պետք է լուծվեն խաղաղ միջոցներով՝ միջազգային իրավունքի համաձայն։ Եվրոպական միությունը պատրաստ է նպաստել Մերձավոր Արևելքում երկարատև խաղաղության համապարփակ ռազմավարության առաջխաղացմանը»,- ասվում է նրա հայտարարության մեջ։

I welcome the agreement just announced between Washington and Tehran. I look forward to an end to this costly war and to the full restoration of freedom of navigation in the Strait of Hormuz.

I commend the tireless diplomatic efforts of all those who made this deal possible.…

— António Costa (@eucopresident) June 15, 2026