2 րոպեի ընթերցում
Ռուսաստանի նախագահ Վլադիմիր Պուտինը պահանջել է, որ հատուկ ծառայություններն ու իրավապահ մարմիններն ամրապնդեն կրթական և սոցիալական համակարգերի անվտանգությունը։ «Արմենպրես»-ի փոխանցմամբ՝ այս մասին հաղորդում է ՏԱՍՍ գործակալությունը։
Կառավարության հետ խորհրդակցության ժամանակ ՌԴ ղեկավարն ընդգծել է, որ արտաքին մարտահրավերները «ժամանակավոր են, իսկ երեխաները և երիտասարդ սերունդը՝ Ռուսաստանի ապագան»։
«Ցավոք, մենք կարող ենք հաստատել, որ մեր հակառակորդները չեն տատանվում ահաբեկչական գործողություններ իրականացնելիս՝ նկատի առնելով Ստարոբելսկի հանրակացարանի վրա հարձակումը», - նշել է Պուտինը։
«Ես ևս մեկ անգամ հատուկ ծառայությունների և բոլոր իրավապահ մարմինների ղեկավարների ուշադրությունն եմ հրավիրում ինչպես հակաահաբեկչական անվտանգության, այնպես էլ, ընդհանուր առմամբ, կրթական և սոցիալական համակարգի և ենթակառուցվածքների անվտանգության ամրապնդման անհրաժեշտության վրա։ Խնդրում եմ անհապաղ կատարել անհրաժեշտ աշխատանքները», - ասել է Պուտինը։
Միջազգայնորեն չճանաչված Լուգանսկի Ժողովրդական Հանրապետության Ստարոբելսկ բնակավայրի քոլեջի վրա հարձակումը տեղի է ունեցել մայիսի 22-ի գիշերը։ Ուկրաինական հարվածի հետևանքով զոհվել է 21 մարդ, 42 մարդ վիրավորվել է։