3 րոպեի ընթերցում
Պետական կառույցներ
Ժամը 11:00-ին Opera Suite հյուրանոցի «Վագներ» սրահում Հայաստանի ավտոապահովագրողների բյուրոն և GAIP միջազգային կազմակերպությունը կստորագրեն համագործակցության պայմանագիր՝ միտված ԱՊՊԱ ոլորտում միջազգային ինտեգրման խորացմանը և նորարարական լուծումների խթանմանը։ Պայմանագրի ստորագրումը նախորդում է հունիսի 4-ին Երևանում կայանալիք InsureTek Armenia 2026 միջազգային ֆորումին, որը կհամախմբի ապահովագրական ոլորտի առաջատար մասնագետներին, կարգավորող մարմիններին և ինշուրթեք նորարարներին՝ քննարկելու ոլորտի զարգացման միտումներն ու ձևավորելու ապահովագրության ապագան։ Միջոցառմանը կմասնակցեն Հայաստանի ավտոապահովագրողների բյուրոյի, GAIP կազմակերպության և ապահովագրական ընկերությունների ղեկավարներ, որոնք ԶԼՄ-ների համար հանդես կգան ճեպազրույցով։
Կուսակցություններ, ՀԿ-ներ, միջազգային կազմ-ներ
Ժամը 09:30-ից Ամերիկյան համալսարանի Մանուգեան սրահում կկայանա «Կանաչ օրակարգ Հայաստան» բնապահպանական թեմայով համաժողովը։ Համաժողովը կմեկտեղի կառավարության, միջազգային կազմակերպությունների, դոնորների կողմից ֆինանսավորվող ծրագրերի, մասնավոր հատվածի, ակադեմիական շրջանակների և քաղ.հասարակության ներկայացուցիչների, ինչպես նաև լրագրողների և մեդիա ոլորտի մասնագետների։ Համաժողովը ներառելու է պլենար նիստեր, պանելային քննարկումներ և զուգահեռ նիստեր, որոնց ավարտին ցանկացողները կկարողանան հարցեր ուղղել բանախոսներին։ Ավելին, լրագրողները կարող են տեղում շրջակա միջավայրի հանրային հետաքրքրություն ներկայացնող թեմաների շուրջ հարցազրույցներ անցկացնել մասնակից հայ և միջազգային փորձագետների հետ՝ Գարաբեդ Կազանջեան - ՀԱՀ Յակոբեան բնապահպանական կենտրոն, Հարություն Ալպետյան - ՀԱՀ Յակոբեան բնապահպանական կենտրոն, Արսեն Գասպարյան - «Կանաչ օրակարգ Հայաստան», Իվանա Միյատովիչ (ԵՄ ասոցացում) - «Կանաչ օրակարգ Հայաստան», Եժի Սառնացկի - UNIDO, Իրինա Մկրտչյան - UNIDO և ուրիշներ: Լրագրողների համար հասանելի կլինի առանձնացված տարածք՝ հարցազրույցների՝ հանդարտ և տեխնիկապես հարմար միջավայրում անցկացումն ապահովելու նպատակով։ +37494173925։
Մշակույթ
Ժամը 19:00-ին «ՀայԱրտ» արդի արվեստի կենտրոնում կկայանա իսլանդացի ճանաչված քանդակագործ Ռոզա Գիսլադոտիրի «Ժամանակի արտացոլանքը» խորագիրը կրող անհատական ցուցահանդեսի պաշտոնական բացումը։ Ցուցահանդեսում կներկայացվեն 23 արվեստի գործ, որոնցից 5-ը կնվիրաբերվեն «ՀայԱրտ» կենտրոնին՝ համալրելով դրա ֆոնդը։ Նախագծի իրականացմանը աջակցել են Իսլանդիայի կառավարությունը և Հայաստանում Իսլանդիայի պատվավոր հյուպատոսությունը։ Ծրագիրը կարևոր քայլ է հայ-իսլանդական մշակութային համագործակցության զարգացման գործում և հանդիսանում է Հայաստանում իսլանդական մշակույթը ներկայացնող առաջին լայնածավալ նախագիծը։