Եվրամիությունում որոշում է ընդունվել Չեռնոգորիայի անդամակցության պայմանագրի մշակումը սկսելու մասին

Եվրոպական միության ընդլայնման հարցերով հանձնակատար Մարթա Կոսը հայտարարել է, որ ԵՄ անդամ պետությունները Չեռնոգորիայի՝ կառույցին անդամակցության վերաբերյալ պայմանագրի մշակումը սկսելու մասին որոշում են կայացրել։

«Արմենպրես»-ի հաղորդմամբ՝ այս մասին Մարթա Կոսը նշել է X-ի իր միկրոբլոգում կատարած գրառման մեջ։

«Չեռնոգորիայի տեղը ԵՄ-ում այժմ ձևավորվում է։ Այսօր անդամ պետությունները որոշեցին սկսել Չեռնոգորիայի ԵՄ անդամակցության պայմանագրի մշակումը։ Սա կարևոր քայլ է ԵՄ անդամակցության ճանապարհին, Չեռնոգորիայի առաջընթացի հստակ ճանաչում և խրախուսում՝ արագացնելու բարեփոխումները։ 

Այն նաև հնարավորություն է տալիս դասեր քաղել անցյալի ընդլայնումներից և ապագա անդամակցության պայմանագրերում ներառել նոր և ավելի ուժեղ երաշխիքներ՝ օրենքի գերակայության և հիմնարար արժեքների հարցում հետընթացը կանխելու համար»,-գրել է Մարթա Կոսը։

Montenegro’s place inside the EU is now taking shape.

Today, Member States decided to start drafting Montenegro’s EU Accession Treaty.

This is a major step on the path to EU membership, a clear recognition of Montenegro’s progress, and an encouragement to accelerate reforms.…

— Marta Kos (@MartaKosEU) April 22, 2026