ՀՀ դեսպանը մասնակցել է «Հայկական արվեստն ու աշխարհը» խորագրով ամենամյա դասախոսությանը

Միացյալ Նահանգներում Հայաստանի Հանրապետության դեսպան Նարեկ Մկրտչյանն Ամերիկայի կաթոլիկ համալսարանում մասնակցել է «Գրեյս և Փոլ Շահինյաններ. հայկական քրիստոնեական արվեստ և մշակույթ» չորրորդ ամենամյա դասախոսությանը՝ «Հայկական արվեստն ու աշխարհը» խորագրով։

«Արմենպրես»-ի հաղորդմամբ՝ այս մասին հայտնում են ԱՄՆ-ում ՀՀ դեսպանությունից։

Նշվում է, որ դեսպան Նարեկ Մկրտչյանը հանդես է եկել ողջույնի խոսքով՝ անդրադառնալով հայկական մշակույթի և արվեստի՝ որպես ազգային ինքնության անբաժանելի մասի կարևորությանը, ընդգծել նման դասախոսությունների անցկացման անհրաժեշտությունը՝ ամերիկյան ակադեմիական և մշակութային շրջանակում Հայաստանի մասին իրազեկվածության բարձրացման համատեքստում։