Աղավնաձորի շուկայում առևտրական կինը շնորհակալություն հայտնեց Փաշինյանին միկրոձեռնարկատիրության համակարգի համար
1 րոպեի ընթերցում
ՀՀ վարչապետ Նիկոլ Փաշինյանը «Քաղաքացիական պայմանագիր» կուսակցության անդամների հետ կրկին մեկնել է մարզային այցելության:
«Արմենպրես»-ի հաղորդմամբ՝ Փաշինյանը տեսանյութ է հրապարակել Վայոց ձորում կատարած կանգառից, Աղավնաձորի շուկա այցելությունից:
Շուկայում առևտրական մի կին Փաշինյանին հրավիրեց իր փոքր վաճառքի կետ ու շնորհակալություն հայտնեց միկրոձեռնարկատիրության հարկման արտոնյալ համակարգի համար՝ հավելելով, որ առաջին կարգի հաշմանդամություն ունեցող մարդու է խնամում:
«Միկրոբիզնես սարքեցիք, ես կարողացա և աշխատել, և իմ հիվանդին պահել»,-նշեց կինը:
Փաշինյանը հարցրեց՝ փաստորեն փոքր բիզնեսին ոչ թե ճնշում, այլ օգնո՞ւմ են: Առևտրով զբաղվող կինը պատասխանեց. «Ինձ անձամբ շատ օգնել եք»: