ԵԽ նախագահը շնորհակալություն հայտնեց Հայաստանին՝ Իրանում իրադարձությունների ֆոնին մարդասիրական կարևորագույն միջանցք դառնալու համար

Եվրոպական խորհրդարանի նախագահ Ռոբերտա Մեցոլան շնորհակալություն հայտնեց Հայաստանին, ՀՀ վարչապետ Նիկոլ Փաշինյանին՝ Իրանում իրադարձությունների ֆոնին Եվրոպայի քաղաքացիների տարհանման հարցում օգնելու համար:

«Արմենպրես»-ի հաղորդմամբ՝ Մեցոլան այս մասին ասաց Ստրասբուրգում ՀՀ վարչապետ Նիկոլ Փաշինյանի հետ համատեղ հայտարարության ժամանակ:

«Վերջին օրերին Իրանի իրադարձությունների ֆոնին Հայաստանը մարդասիրական կարևորագույն միջանցք է դարձել: Ես ուզում եմ Ձեզ շնորհակալություն հայտնել: Շնորհակալ եմ, որ օգնել եք Եվրոպայի քաղաքացիների տարհանմանը»,-ասաց Մեցոլան՝ դիմելով Փաշինյանին: