1 րոպեի ընթերցում
Նիգերիայի Նգոշե քաղաքում զինյալներն առևանգել են ավելի քան 100 կանանց և երեխաների, ինչպես նաև հարձակվել ռազմաբազայի վրա։ «Արմենպրես»-ի փոխանցմամբ՝ այս մասին հայտնում է Daily Trust-ը։
«Նգոշեի բնակիչները լքում են քաղաքը և ուղևորվում են հարևան բնակավայր՝ Պուլկա։ Սա սարսափելի հարձակում է, հաշվի առնելով այն, որ բազմաթիվ փախստականներ նոր էին տեղափոխվում հայրենիք՝ Կամերունից։ Քաղաքի գլխավոր իմամը սպանված է, ավելի քան 100 կանայք և երեխաներ առևանգված են»,- նշել է անանուն աղբյուրը։
Եվս մեկ զրուցակից նշել է, որ ռազմաբազայի վրա հարձակման հետևանքով սպանվել է առնվազն 8 զինվորական։