366.85
Արայիկ Հարությունյանն ու Լիլիթ Մակունցը հանդիպել են Լոս Անջելեսի հայ համայնքի ներկայացուցիչների հետ
1 րոպեի ընթերցում
Հայաստանի վարչապետի աշխատակազմի ղեկավար Արայիկ Հարությունյանն ու վարչապետի գլխավոր խորհրդական Լիլիթ Մակունցը փետրվարի 18-ին Լոս Անջելեսի Իրանահայ միությունում հանդիպել են Լոս Անջելեսի հայկական համայնքի ներկայացուցիչների հետ։
«Արմենպրես»-ի փոխանցմամբ՝ այդ մասին «Ֆեյսբուք»-ի իր էջում գրել է Արայիկ Հարությունյանը։
«Փետրվարի 18-ին ՔՊ կուսակցության անդամ Լիլիթ Մակունցի (ՀՀ վարչապետի գլխավոր խորհրդական, ԱՄՆ-ում նախկին դեսպան) հետ Լոս Անջելեսի Իրանահայ միությունում հանդիպել ենք Լոս Անջելեսի հայկական համայնքի ներկայացուցիչների հետ։
Հանդիպման ընթացքում քննարկվել են Հայաստանի ներքաղաքական վերջին զարգացումները, արտաքին քաղաքական ձեռքբերումները, մասնավորապես՝ Հայաստան-ԱՄՆ վերջին փոխայցերը և ձեռք բերված պայմանավորվածությունները, խաղաղության գործընթացը, Հայաստանի դեմ իրականացվող ապատեղեկատվական արշավները»,- գրել է Հարությունյանը։
Բաժանորդագրվեք մեր ալիքին Telegram-ում