Ջրային կոմիտեում մեկնարկել է ջրօգտագործողների 15 ընկերութան 2026 թվականի բյուջեի քննարկումը

Ջրային կոմիտեում մեկնարկել են ջրօգտագործողների 15 ընկերությունների (ՋՕԸ) 2026 թվականի բյուջեների քննարկումները։ 

«Արմենպրես»-ի փոխանցմամբ՝ Կոմիտեից տեղեկացնում են, որ քննարկումներն իրականացվում են՝ հիմք ընդունելով նախորդ երեք տարիների փաստացի ֆինանսատնտեսական ցուցանիշները։

Բյուջեների քննարկմանը զուգահեռ՝ մանրամասն անդրադարձ է կատարվել մի շարք ՋՕԸ-ներում առկա հիմնական խնդիրներին, գնահատվել են դրանց առաջացման պատճառները և հնարավոր լուծման ուղիները։

Քննարկումների արդյունքում ՋՕԸ-ների ներկայացրած բյուջեները վերանայվել և շտկվել են։