Մարտին կհրապարակվի նոր Սահմանադրության տեքստը․ Սրբուհի Գալյան

Հայաստանի նոր Սահմանադրության տեքստի վերջնականացումը Կառավարության առաջիկա տարվա առաջնահերթություններից է։ «Արմենպրես»-ի հաղորդմամբ՝ այս մասին հայտարարեց Արդարադատության նախարար Սրբուհի Գալյանը։

Նախարարի խոսքով՝ Սահմանադրության նոր տեքստի մշակման աշխատանքները նախատեսվում է ավարտել առաջիկա կիսամյակի ընթացքում՝ պահպանելով արդեն իսկ հայտարարված ժամկետները։

«Եկող տարվա համար մեր առաջնահերթություններից է նոր Սահմանադրության տեքստի վերջնականացումը։ Մենք չենք շեղվելու այն ժամկետներից, որոնց մասին բազմիցս խոսել ենք, և մեր աշխատանքների ամփոփման ամիսը շարունակում է մնալ մարտը։ Այսինքն՝ մարտին մենք կունենանք տեքստ, որը արդեն կհրապարակվի»,– նշեց Սրբուհի Գալյանը։