ԵԱՀԿ նոր նախագահը Կիևում հանդիպել է Ուկրաինայի արտգործնախարարի հետ

ԵԱՀԿ գործող նախագահ, Շվեյցարիայի արտաքին գործերի նախարար Ինյացիո Կասիսը փետրվարի 2-ին ժամանել է Կիև։ «Արմենպրես»-ի փոխանցմամբ՝ այս մասին նա գրել է X սոցիալական հարթակում։

Կասիսի հետ Կիև է ժամանել նաև ԵԱՀԿ գլխավոր քարտուղար Ֆերիդուն Սինիրլիօղլուն։

Պաշտոնյաները հանդիպել են Ուկրաինայի արտգործնախարար Անդրեյ Սիբիհայի հետ։

«Մենք քննարկել ենք իրավիճակը գետնին և շարունակական դիվանագիտական ջանքերը, ինչպես նաև այն դերը, որ ԵԱՀԿ-ն կարող է խաղալ պատերազմի ներկա փուլում և դրանից հետո՝ օգտագործելով իր փորձը և իր ֆունկցիան՝ որպես երկխոսության ներառական հարթակ», - գրել է Կասիսը։

#OSCE26CH | Together with @OSCESecGen Sinirlioğlu, I met with #Ukraine’s FM @andrii_sybiha in Kyiv.

We discussed the situation on the ground and ongoing diplomatic efforts, as well as the role the @OSCE can play in the current phase of the war and beyond, drawing on its… pic.twitter.com/FzDut2ZBvN

— Ignazio Cassis (@ignaziocassis) February 2, 2026

Ավելի վաղ արված գրառման մեջ ԵԱՀԿ գործող նախագահը նշել էր, որ Կիև է այցելել՝ հաստատելու ԵԱՀԿ-ի պատրաստակամությունն՝ աջակցելու արդարացի և տևական խաղաղության հասնելու ջանքերին՝ միջազգային իրավունքին և Հելսինկյան սկզբունքներին համապատասխան։

Ինյացիո Կասիսն ավելի վաղ հայտնել էր նաև Մոսկվա այցելելու ծրագրերի մասին։

Շվեյցարիան այս տարի նախագահում է ԵԱՀԿ-ում, կազմակերպության գործող ղեկավար է համարվում երկրի արտաքին գործերի նախարարը: