Արարատ Միրզոյանը Բրյուսելում աշխատանքային հանդիպումներ կունենա

Հայաստանի Հանրապետության արտաքին գործերի նախարար Արարատ Միրզոյանն ավարտել է Ստրասբուրգ կատարած այցը։

«Արմենպրես»-ի հաղորդմամբ՝ այս մասին հայտնում է ՀՀ ԱԳ նախարարության խոսնակ Անի Բադալյանը։

Բադալյանը նաև մանրամասնել է, որ Արարատ Միրզոյանի աշխատանքային հանդիպումները կշարունակվեն Բրյուսելում։

ՀՀ ԱԳ նախարարը հունվարի 26-28-ն աշխատանքային այցով գտնվում էր Ստրասբուրգում։ Այցի ընթացքում տեղի են ունեցել միջոցառումներ՝ նվիրված Եվրոպայի խորհրդին Հայաստանի անդամակցության 25-ամյակին։ ԱԳ նախարար Արարատ Միրզոյանը հունվարի 28-ին նաև ելույթ է ունեցել Եվրոպայի խորհրդի խորհրդարանական վեհաժողովի նստաշրջանում, այնուհետև պատասխանել ԵԽԽՎ պատգամավորների հարցերին։