«Ալաշկերտ»-ը նոր դարպասապահ ունի

Երևանի «Ալաշկերտ» ֆուտբոլային ակումբի նոր դարպասապահն է Վլադիմիր Չատունցը։ 

«Արմենպրես»-ի հաղորդմամբ` այս մասին հայտնում է ակումբի մամուլի ծառայությունը:

23-ամյա դարպասապահը «Փյունիկ»-ի սան է, նրա նախորդ թիմը եղել է «Լեռնային Արցախը»։ Չատունցը «Ալաշկերտ»-ում հանդես է եկել նաև 2023/24 մրցաշրջանում։

Հայաստանի ֆուտբոլի առաջնության առաջին հատվածի ավարտից հետո «Ալաշկերտ»-ը մրցաշարային աղյուսակում 4-րդ տեղում է: Առաջնության գարնանային հատվածը կմեկնարկի փետրվարի վերջին: