368.44
Հայաստանի շախմատի առաջնություններում ի հայտ են գալիս առաջատարները
1 րոպեի ընթերցում
Հայաստանի շախմատի կանանց և տղամարդկանց առաջնություններում ավարտվել են երրորդ տուրի պարտիաները:
«Արմենպրես»-ի հաղորդմամբ` Տիգրան Պետրոսյանի անվան շախմատի տանն ընթացող կանանց առաջնությունում միայն մեկ պարտիա է ավարտվել ոչ-ոքի: Միավորը կիսել են Նվարդ Հայրապետյանն ու Լիլիթ Կասինյանը: Հաղթանակ են տոնել Անահիտ Մկրտչյանը, Սոնա Կրկյաշարյանը, Անի Ավետիսյանը, Աստղիկ Հակոբյանը: Կանանց առաջնությունում երեք հաղթանակով առաջատարները Աստղիկ Հակոբյանն ու Անահիտ Մկրտչյանն են:
Տղամարդկանց պայքարի այս տուրում հաղթել են միայն Արթուր Դավթյանն ու Զավեն Անդրիասյանը: Միավորը կիսել են` Էմին Օհանյան-Սարգիս Սարգսյան, Մանուէլ Պետրոսյան-Կարեն Գրիգորյան, Մամիկոն Ղարիբյան-Տիգրան Հարությունյան զույգերը:
Տղամարդկանց մրցաշարի միանձնյա առաջատարը Զավեն Անդրիասյանն է:
Ներքին առաջնությունների երրորդ տուրը կկայանա հունվարի 16-ին:
Բաժանորդագրվեք մեր ալիքին Telegram-ում