1 րոպեի ընթերցում
Ֆիլիպիններն ու Ճապոնիան հունվարի 15-ին երկու պաշտպանական համաձայնագիր են կնքել, որոնցից մեկը թույլ է տալիս երկու երկրների զինված ուժերին փոխանակվել մատակարարումներով և ծառայություններով։ Ինչպես հաղորդում է «Արմենպրես»-ը, այս մասին հայտնում է Reuters-ը։
Ճապոնիայի արտաքին գործերի նախարար Տոշիմիցու Մոտեգին ստորագրել է համաձայնագրերը Մանիլայում։
Նա ֆիլիպինցի գործընկերոջ՝ Թերեզա Լազարոյի հետ հայտարարել են Տոկիոյի կողմից 6 միլիոն դոլարի օգնության տրամադրման մասին, որը կուղղվի Ճապոնիայի կողմից Մանիլայի ռազմածովային կարողությունները բարձրացնելու համար նվիրաբերված նավակների տեղավորման համար նախատեսված օբյեկտների կառուցման ֆինանսավորմանը։
«Պետքարտուղարի հետ մենք նաև հաստատեցինք Ճապոնիայի, Ֆիլիպինների և ԱՄՆ-ի եռակողմ համագործակցության կարևորությունը՝ ավելի ու ավելի խիստ ռազմավարական միջավայրի պայմաններում», - նշել է Մոտեգին Լազարոյի հետ համատեղ մամուլի ասուլիսում։
Լազարոն իր հերթին ընդգծել է, որ Ճապոնիան մնում է իրենց կարևոր ռազմավարական գործընկերը։