368.06
Հայաստանն իր ցուցանիշներով շատ մոտ է ԵՄ-ին անդամակցելու ձգտում ունեցող Արևմտյան Բալկանների երկրներին. Մարագոս
1 րոպեի ընթերցում
Հայաստանն իր ցուցանիշներով շատ մոտ է Եվրոպական միությանն անդամակցելու ձգտում ունեցող Արևմտյան Բալկանների երկրներին՝ ունենալով ավելիին հասնելու ներուժ։
«Արմենպրես»-ի հաղորդմամբ՝ այս մասին «Հայաստանը և խաղաղությունը ռիսկերի ու հնարավորությունների խաչմերուկում» քննարկման ընթացքում հայտարարել է ՀՀ-ում ԵՄ դեսպան Վասիլիս Մարագոսը։
Նրա խոսքով՝ նախորդ տարվա դեկտեմբերին Եվրոպական միությունը Հայաստանի Ազգային ժողովին և Կառավարությանն է ներկայացրել շատ հետաքրքիր մի ուսումնասիրություն, որում Հայաստանն առաջին անգամ համեմատվում է Արևմտյան Բալկանների երկրների հետ, որոնք ձգտում են անդամակցել ԵՄ-ին։
«Հետաքրքիր է, որ ուսումնասիրությունների համաձայն՝ Հայաստանը շատ մոտ է այդ երկրների միջին ցուցանիշներին․ որոշ ոլորտներում ավելի առաջ գնացած, որոշ ոլորտներում՝ ավելի պակաս, բայց ունի ավելիին հասնելու ներուժ»,-նշեց Մարագոսը։
Դեսպան Մարագոսը նաև ընդգծեց, որ այժմ Հայաստանն ու Եվրոպական միությունն ակտիվորեն աշխատում են 2025 թվականի դեկտեմբերի 2-ին Բրյուսելում կայացած գործընկերության խորհրդի նիստի արդյունքներով ստորագրված գործընկերության ռազմավարական օրակարգի կետերը կյանքի կոչելու ուղղությամբ։
Բաժանորդագրվեք մեր ալիքին Telegram-ում