1 րոպեի ընթերցում
Հյուսիսային Կորեան հունվարի 4-ին հիպերձայնային հրթիռների փորձարկումներ է անցկացրել, որոնց հետևել է երկրի ղեկավար Կիմ Չեն Ընը: Ինչպես հաղորդում է «Արմենպրես»-ը, այս մասին հայտնում է Կորեայի կենտրոնական լրատվական գործակալությունը:
Գործակալության տվյալներով՝ արձակված հրթիռները հարված են հասցրել Ճապոնական ծովում 1000 կիլոմետր հեռավորության վրա գտնվող թիրախներին։
Կիմ Չեն Ընը հայտարարել է, որ վարժանքները «լիովին ցույց են տվել ԿԺԴՀ-ի միջուկային զինված ուժերի մարտական պատրաստվածությունը»։
«Մենք պետք է շարունակաբար արդիականացնենք մեր ռազմական միջոցները, մասնավորապես՝ հարձակողական սպառազինությունների համակարգերը», - հայտարարել է Կիմ Չեն Ընը։
Նրա խոսքով, այս անհրաժեշտությունը բացատրվում է «աշխարհաքաղաքական ճգնաժամով» և «միջազգային բարդ իրադարձություններով»։