ՀՀ նախագահը տոներին ընդառաջ այցելել է սահմանային զորամաս

Հայաստանի Հանրապետության նախագահ Վահագն Խաչատուրյանը տոներին ընդառաջ այցելել է հայաստանյան սահմանային զորամասերից մեկը և խրախուսական նվերներ հանձնել հրամանատարական կազմի ներկայացուցիչներին և ժամկետային զինծառայողներին:

«Արմենպրես»–ի փոխանցմամբ՝ ՀՀ նախագահի աշխատակազմն այցելության մասին պատմող տեսանյութ և հաղորդագրություն է հրապարակել։

Ողջունելով զորամասի անձնակազմին՝ նախագահ Խաչատուրյանը շնորհակալություն է հայտնել բարեխիղճ և օրինակելի ծառայության համար և շնորհավորել գալիք տոների կապակցությամբ: