Հայաստանն ու Գերմանիան էներգետիկ ոլորտում համագործակցությունը խորացնելու պայմանավորվածություն ունեն

Հայաստանն ու Գերմանիան էներգետիկ ոլորտում համագործակցությունը խորացնելու հարցում ունեն կոնկրետ պայմանավորվածություններ։ 

Ինչպես Գերմանիայից հաղորդում է «Արմենպրես»֊ի թղթակիցը, այս մասին լրագրողների հետ զրույցում նշել է ՀՀ էկոնոմիկայի նախարար Գևորգ Պապոյանը։

«Արդեն ունենք որոշ պայմանավորվածություններ՝ փորձի փոխանակման, ներդրումների ներգրավման և այլ հնարավորությունների մասով։ Հայաստանը ունի արևային էներգետիկայի անսահմանափակ հնարավորություններ, և եթե մենք կարողանանք հարմար գներով, լավ տարբերակներով ձեռք բերել այդ կուտակիչներից, ապա զգալի առաջընթաց կգրանցենք այս ոլորտում։ Հաջորդ կարևոր ուղղությունը կանաչ ջրածնի արտադրությունն է։ Պետք է այսստեղ անկեղծ լինեմ, կանաչ ջրածնի արտադրությունը դեռևս աշխարհում, այսպես ասած, էժան արտադրություն չի համարվում, բայց ամեն տարի մենք տեսնում ենք ինքնարժեքի գների կայուն իջեցում, և այստեղ մենք հասկանում ենք, որ ինչ֊որ մի փուլում դա նույնպես դառնալու է շատ հետաքրքիր համագործակցության ուղղություն»,֊ հավելեց նախարարը։