Լիդյա Մանթաշյանն ազատ է արձակվել

Բագրատ արքեպիսկոպոս Գալստանյանի և մյուսների գործով մեղադրյալ Լիդյա Մանթաշյանի նկատմամբ կալանքը փոխվել է, նրա նկատմամբ որպես խափանման միջոց է սահմանվել վարչական հսկողությունը, կիրառվել է նաև 2 միլիոն 500 հազար դրամ գրավ։ 

«Արմենպրես»-ի փոխանցմամբ՝ դատարանի որոշումը հրապարակվել է նոյեմբերի 27-ին։ 

Լիդյա Մանթաշյանը կալանավորվել էր 2025 թվականի հունիսին։ Նրան մեղադրանք է առաջադրվել իշխանության յուրացման և ահաբեկչության նախապատրաստման հոդվածներով։ 

Մանթաշյանը իրեն առաջադրված մեղադրանքները չի ընդունում։