1 րոպեի ընթերցում
«Քաղաքացիական պայմանագիր» կուսակցության վարչության նախագահ, Հայաստանի Հանրապետության վարչապետ Նիկոլ Փաշինյանի առաջարկով՝ Վահագն Ալեքսանյանն ու Գևորգ Պապոյանը վերանշանակվել են «Քաղաքացիական պայմանագիր» կուսակցության Վարչության փոխնախագահներ։ «Արմենպրես»-ի փոխանցմամբ՝ այս մասին ասված է ՔՊ կուսակցության տարածած հաղորդագրությունում։
Նոյեմբերի 18-ին տեղի ունեցած «Քաղաքացիական պայմանագիր» կուսակցության վարչության նիստում, որը վարել է Նիկոլ Փաշինյանը, ամփոփվել են Վաղարշապատի ՏԻՄ ընտրությունների արդյունքները։
Քննարկվել են նաև կուսակցության 8-րդ համաժողովի կազմակերպմանն առնչվող հարցեր։