1 րոպեի ընթերցում
ՀՀ ԱԳ նախարար Արարատ Միրզոյանը նոյեմբերի 7-ին ընդունել է Հնդկաստանի ԱԳ նախարարի տեղակալ, Արևմտյան ուղղության հարցերով քարտուղար Սիբի Ջորջին, ով Երևան է ժամանել երկկողմ քաղաքական խորհրդակցությունների շրջանակներում: Ինչպես «Արմենպրես»-ին տեղեկացրին ՀՀ ԱԳ նախարարությունից, զրուցակիցներն անդրադարձել են Հայաստանի և Հնդկաստանի միջև վերջին տարիներին դինամիկ զարգացող գործընկերությանը, որի արդյունքները տեսանելի են տարբեր ոլորտներում:
Մտքեր են փոխանակվել հարաբերությունների զարգացման հեռանկարների շուրջ։