Վրաստանի դատախազությունը քրգործ է հարուցել Միխեիլ Սաակաշվիլիի և այլ ընդդիմադիր առաջնորդների դեմ
1 րոպեի ընթերցում
Վրաստանի գլխավոր դատախազությունը քրեական գործ է հարուցել նախկին նախագահ Միխեիլ Սաակաշվիլիի և մի քանի ընդդիմադիր առաջնորդների դեմ։ «Արմենպրես»-ի փոխանցմամբ, այս մասին նոյեմբերի 6-ին ճեպազրույցի ժամանակ հայտարարել է Վրաստանի գլխավոր դատախազ Գիորգի Գվարակիձեն։
«Միխեիլ Սաակաշվիլիի, Գիորգի Վաշաձեի, Նիկա Գվարամիայի, Նիկանոր Մելիայի, Զուրաբ Գիրչի Ջապարիձեի, Էլենե Խոշտարիայի, Մամուկա Խազարաձեի և Բադրի Ջապարիձեի դեմ քրեական հետապնդում է սկսվել պետության դեմ կատարված հանցագործությունների, մասնավորապես՝ սաբոտաժի, թշնամական գործունեության մեջ օտարերկրյա պետությանն օժանդակելու, սահմանադրական կարգի և ազգային անվտանգության հիմքերի դեմ ուղղված գործունեության ֆինանսավորման և սահմանադրական կարգի կամ պետական իշխանության բռնի տապալման կոչերի համար», - ասել է Գվարակիձեն։