1 րոպեի ընթերցում
Հայաստանի վարչապետի աշխատակազմի ղեկավար Արայիկ Հարությունյանը Հայաստան-Ադրբեջան գործընթացում, հարաբերություններում առկա տեմպը վատ չի գնահատում:
«Արմենպրես»-ի հաղորդմամբ՝ Հարությունյանը նման դիրքորոշում հայտնեց խորհրդարանում լրագրողների հետ զրույցում:
Արայիկ Հարությունյանը հայտնեց, որ ադրբեջանական կողմի հետ ինտենսիվ շփումները բոլոր հարցերի շուրջ են:
«Դրանք վերաբերում են շատ տարբեր հարցերի, օրինակ՝ սահմանազատման, սահմանագծման օրակարգով Մհեր Գրիգորյանն է աշխատում, ԱԳՆ-ն իր համապատասխան օրակարգով է աշխատում, Անվտանգության խորհուրդը, Արմեն Գրիգորյանն իր գործընկերոջ հետ է աշխատում: Կլինեն հումանիտար հարցեր, մնացած բոլոր հարցերը: Երբ արդյունքներ լինում են, մենք դրանց մասին խոսում ենք: Այն տեմպը, որ կա Հայաստան-Ադրբեջան գործընթացում, հարաբերություններում, վատ չէ: Օրինակ՝ Ադրբեջանի կողմից հայկական բեռների տեղափոխման շրջափակման արգելքի հանումը»,-ասաց Հարությունյանը:
Վարչապետ աշխատակազմի ղեկավարի խոսքով՝ երկկողմ շփումներում անընդհատ կա խաղաղության համաձայնագրի վերջնական ստորագրման հարցը:
Նա հավելեց՝ պետք է փորձեն ընդհանուր եզրեր գտնել, որ օր առաջ այդ փաստաթուղթը ստորագրվի: