1 րոպեի ընթերցում
Հայաստանի Հանրապետության նախագահ Վահագն Խաչատուրյանը կրթության բնագավառում կարևոր է համարում նորարարությունն ու փոփոխություններից չխուսափելու գործելաոճը:
«Արմենպրես»-ի փոխանցմամբ՝ այս մասին ՀՀ նախագահն ասաց «Ակադեմիական քաղաք Հայաստան. գիտելիքի միջազգային ֆորում»-ի բացման արարողության ընթացքում՝ խոսելով 2025 թվականին Նոբելյան մրցանակի արժանացած տնտեսագետների մասին:
«Նոբելյան կոմիտեն հիշեցրել է աշխարհին, որ տնտեսական առաջընթացը կախված է ոչ թե փոփոխությունից խուսափելուց, այլ այն օգտագործելուց և այս փիլիսոփայությունն է, որ պետք է առաջնորդի մեզ առաջիկայում, առավել ևս կրթության բնագավառում ռազմավարական խնդիրներ լուծելու, մարտահրավերներին դիմակայելու համար: Կրթությունը, գիտելիքը, նոր տեխնոլոգիաներն այն շարժիչ ուժն են, որ կապահովեն ՀՀ զարգացման, քաղաքացիների համընդհանուր բարեկեցության և տնտեսության աճի, պետության անվտանգության մակարդակի բարձրացման հարատևությունը»,- ասաց Խաչատուրյանը: