1 րոպեի ընթերցում
Սիրիան հետաքրքրված է Տարտուսում և Հմեյմիմում ռուսական ռազմաբազաների պահպանմամբ. դրանք կարող են օգտագործվել որպես մարդասիրական կենտրոններ։ «Արմենպրես»-ի փոխանցմամբ՝ այս մասին հայտարարել է Ռուսաստանի արտաքին գործերի նախարար Սերգեյ Լավրովը։
«Սիրիական կողմը հետաքրքրված է Տարտուսում և Հմեյմիմում մեր ռազմական բազաների պահպանմամբ։ Ինչպես նախագահն ասաց, մենք այստեղ ապավինում ենք ընդունող երկրի՝ Սիրիայի Արաբական Հանրապետության հետաքրքրությանը»,- մեջբերում է Լավրովի խոսքը «ՌԻԱ Նովոստի» գործակալությունը։
ՌԴ ԱԳ նախարարը հավելել է, որ նոր պայմաններում այդ բազաները կարող են այլ դեր խաղալ, այլ ոչ թե լինեն ռազմական հենակետեր։
«Հաշվի առնելով Աֆրիկա մարդասիրական հոսքերը կարգավորելու անհրաժեշտությունը, դրանք կարող են լինել ռազմածովային և օդային բազաներ, որոնք կծառայեն որպես մարդասիրական կենտրոններ այնտեղ մարդասիրական բեռներ ուղարկելու համար, այդ թվում՝ Սահարա-Սահելյան տարածաշրջան և այլ կարիքավոր երկրներ», - ընդգծել է նա։