1 րոպեի ընթերցում
Ֆիլիպինների հարավում 7,4 մագնիտուդով հզոր երկրաշարժ է տեղի ունեցել, որից հետո մի քանի երկրներում ցունամիի նախազգուշացում է տարածվել, ափամերձ տարածքներում գտնվող մարդկանց կոչ են արել տարհանվել։ «Արմենպրես»-ի փոխանցմամբ՝ այս մասին հաղորդում է Reuters գործակալությունը։
Ըստ պաշտոնյաների՝ առնվազն մեկ մարդ մահացել է։ Հաղորդվել է նաև մի քանի շենքերի և կամուրջների վնասվելու մասին։
Ցունամիի նախազգուշացում է հայտարարվել Ինդոնեզիայում և Պալաուում։
Երկու շաբաթ առաջ Ֆիլիպիններում ևս մեկ երկրաշարժ էր տեղի ունեցել՝ 6,9 մագնիտուդով, որի հետևանքով Սեբու կղզում 74 մարդ էր զոհվել։