1 րոպեի ընթերցում
Հայաստանի Ազգային ժողովի նախագահի տեղակալ Ռուբեն Ռուբինյանն անդրադարձել է Մերձավանում տեղի ունեցած զինված հարձակմանը, որի հետևանքով զոհվել է Փարաքար համայնքի ղեկավար Վալոդյա Գրիգորյանը և նրա ընկերը։ Վերջինս, ըստ Ռուբինյանի հայտնած տեղեկատվության, ոստիկան է։
«Ցնցված եմ Փարաքար համայնքի ղեկավար Վալոդյա Գրիգորյանի և ոստիկանի սպանության լուրից: Ցավակցում եմ զոհվածների հարազատներին:
Հանցագործները պետք է արագ բացահայտվեն և պատժվեն»,-«Արմենպրես»-ի փոխանցմամբ՝ «Ֆեյսբուք»-ի իր էջում գրել է Ռուբինյանը:
Ավելի վաղ զինված հարձակումը դատապարտել էր ՀՀ վարչապետ Նիկոլ Փաշինյանը՝ իրավապահներին կոչ անելով շուտափույթ բացահայտել հանցագործության մեջ ներգրավված բոլոր անձանց։