367.29
ԿԳՄՍ նախարարը հետևել է Հայոց ցեղասպանության հուշահամալիրի նորոգման աշխատանքներին
2 րոպեի ընթերցում
Հայաստանի Հանրապետության կրթության, գիտության, մշակույթի և սպորտի նախարար Ժաննա Անդրեասյանը հերթական շրջայցն է կատարել Հայոց ցեղասպանության հուշահամալիրի և թանգարան-ինստիտուտի տարածքում՝ տեղում ծանոթանալու ընթացող հիմնանորոգման աշխատանքներին։ «Արմենպրես»-ի փոխանցմամբ՝ այս մասին հայտնում են նախարարությունից։
Նախարարին ուղեկցել է ԿԳՄՍ նախարարության գլխավոր քարտուղար Հասմիկ Հակոբյանը: Կապալառու կազմակերպությունը ներկայացրել է շինարարության ընթացքը՝ նախանշելով առաջիկա անելիքները: Ընկերության ներկայացուցիչների խոսքով՝ մայթերի նորոգման աշխատանքներն ընթանում են ըստ հաստատված նախագծային լուծումների:
Նախարար Ժաննա Անդրեասյանը հետաքրքրվել է ընթացիկ խնդիրներով, կարևորել մասնագիտական քննարկումները՝ հուշարձանային համալիրի վերակառուցման և բարեկարգման աշխատանքները պատշաճ իրականացնելու նպատակով:
Գերատեսչությունից հայտնում են, որ Հայոց ցեղասպանության հուշահամալիրի և թանգարան-ինստիտուտի տարածքում իրականացվող հիմնանորոգման աշխատանքների ընթացքին հետևելու նպատակով ԿԳՄՍ նախարարի այցերը կլինեն շարունակական:
Սեպտեմբերի 9-ին ԿԳՄՍ նախարար Ժաննա Անդրեասյանն Ազգային ժողովում հայտարարել էր, որ վերջին 60 տարիներին հուշահամալիրում վերանորոգման աշխատանքներ չեն կատարվել, ինչի հետևանքով առաջացել են ջրահեռացման լրջագույն խնդիրներ։
Բաժանորդագրվեք մեր ալիքին Telegram-ում