368.52
ՀՀ ԱԺ փոխնախագահը Իրանի ԱԳ նախարարի տեղակալի խնդրանքով ներկայացրել է Հայաստան-Թուրքիա հարաբերությունների կարգավորման գործընթացը
1 րոպեի ընթերցում
Հայաստանի Ազգային ժողովի նախագահի տեղակալ Ռուբեն Ռուբինյանը սեպտեմբերի 9-ին հանդիպել է Իրանի արտաքին գործերի նախարարի տեղակալ Վահիդ Ջալալզադեի հետ:
«Բարեկամ Իրանի հետ փոխադարձ հարգանքի ու վստահության վրա կառուցված երկկողմ հարաբերությունները մեծ կարեւորություն ունեն Հայաստանի համար: Իսկ փոխայցերն օգնում են առավել ընդգրկուն դարձնել երկկողմ օրակարգը՝ միաժամանակ շարունակելով ակտիվ երկխոսությունն ու սերտ համագործակցությունը»,- «Արմենպրես»-ի փոխանցմամբ՝ ասել է Ռուբեն Ռուբինյանը:
ՀՀ ԱԺ-ի տարածած հաղորդագրության մեջ շեշտվում է, որ զրուցակիցները քննարկել են տարածաշրջանային վերջին զարգացումները:
Վահիդ Ջալալզադեի խնդրանքով՝ Ռուբեն Ռուբինյանը ներկայացրել է մանրամասներ Հայաստան-Թուրքիա հարաբերությունների կարգավորման գործընթացի վերաբերյալ:
Բաժանորդագրվեք մեր ալիքին Telegram-ում