Թրամփը պատրաստակամություն է հայտնել Ռուսաստանի դեմ պատժամիջոցների «երկրորդ փուլի» համար

Միացյալ Նահանգների նախագահ Դոնալդ Թրամփը հայտարարել է, որ պատրաստ է Ռուսաստանի դեմ սահմանափակումների երկրորդ փուլ հայտարարելուն։

«Արմենպրես»-ի փոխանցմամբ, պատասխանելով լրագրողի հարցին, թե արդյոք պատրաստ է նման գործողության, Թրամփը դրական պատասխան է տվել, սակայն հրաժարվել է որևէ այլ մանրամասնություն հաղորդելուց։

Որպես հակառուսական միջոցառումների առաջին փուլը Թրամփը համարում է Հնդկաստանի նկատմամբ սահմանված լրացուցիչ մաքսատուրքերը։ Վաշինգտոնն այս միջոցառումները հիմնավորել է նրանով, որ Դելին նավթ է գնում Ռուսաստանից։