1 րոպեի ընթերցում
Բանգլադեշի մայրաքաղաք Դաքքայում ռազմաօդային ուժերի ինքնաթիռի կործանման հետևանքով զոհերի թիվը հասել է 27-ի։ Նրանց թվում կա առնվազն 25 երեխա։ Եվս 88 մարդ վիրավորվել է։ «Արմենպրես»-ի փոխանցմամբ՝ այս մասին հաղորդում է Reuters գործակալությունը։
F-7 BG ինքնաթիռը կործանվել էր հուլիսի 21-ին, ուսումնական թռիչքի ժամանակ, վերելքից կարճ ժամանակ անց։ Այն ընկել էր դպրոցի և քոլեջի շենքի վրա։
Բանգլադեշի ռազմական գերատեսչությունից հայտնել են, որ կործանման պատճառը մեխանիկական անսարքությունն էր։
Զոհերի թվում են 25 երեխա, մեկ ուսուցիչ և օդաչուն։
Բանգլադեշի կառավարությունը մեկ օրով սուգ է հայտարարել։
Ավելի վաղ հաղորդվում էր 19 զոհի մասին։