366.69
Սամվել Կարապետյանը հայտարարել է նոր քաղաքական ուժ ստեղծելու մասին
1 րոպեի ընթերցում
Ռուսաստանաբնակ հայ գործարար, «Տաշիր» ընկերությունների խմբի հիմնադիր Սամվել Կարապետյանը հայտարարել է նոր քաղաքական ուժ ստեղծելու մասին։
«Արմենպրես»-ի փոխանցմամբ՝ Սամվել Կարապետյանի հայտարարությունը հրապարակել է նրա եղբորորդին՝ Նարեկ Կարապետյանը։
Սամվել Կարապետյանը հայտարարել է, որ ստեղծելու են սկզբունքորեն նոր քաղաքական ուժ։
Նա նշել է, որ մեծ հարգանքով է վերաբերվում այլ քաղաքական ուժերին ու գործիչներին։ «Բայց մենք Հայաստանի համար լավ ապագա կառուցելու մեր պատկերացումն ունենք։ Ու գնալու ենք մեր ճանապարհով, մեր նոր թիմով՝ չբացառելով ներքաղաքական համագործակցությունը համախոհների հետ։ Փորձելու ենք համախմբել մեր ժողովրդին արդար ու մեծ նպատակների շուրջ»,- հայտարարել է Կարապետյանը։
Նա նաև հավելել է, որ իրենց քաղաքական թիմի ձևավորումը մեկնարկել է։
«Տաշիր» ընկերությունների խմբի հիմնադիր Սամվել Կարապետյանը 2 ամսով կալանավորվել է հունիսի 19-ին։ Նրան մեղադրանք է առաջադրվել ՀՀ սահմանադրությամբ չնախատեսված եղանակով իշխանությունը զավթելու հրապարակային կոչ հնչեցնելու հոդվածով։
Բաժանորդագրվեք մեր ալիքին Telegram-ում