368.59
ՀՀ դեսպանը հանդիպել է Վրաստանի տնտեսության և կայուն զարգացման նորանշանակ նախարարի, խորհրդարանի երկու հանձնաժողովների նախագահների հետ
2 րոպեի ընթերցում
Վրաստանում ՀՀ դեսպան Աշոտ Սմբատյանը hուլիսի 10-ին հանդիպել է Վրաստանի խորհրդարանի Մարդու իրավունքների պաշտպանության և քաղաքացիական ինտեգրման հանձնաժողովի ղեկավար, Վրաստանի պարալիմպիկ կոմիտեի նախագահ Ռատի Իոնաթամիշվիլիի հետ։
«Արմենպրես»-ի հաղորդմամբ՝ Վրաստանում ՀՀ դեսպանության «Ֆեյսբուք»-ի էջը տեղեկացնում է, որ հանդիպմանը քննարկվել են մարդու իրավունքների պաշտպանության, օրենքի գերակայության, իրավահավասարության հետ կապված հարցեր։
Զրուցակիցներն անդրադարձել են նաև ՀՀ և Վրաստանի պարալիմպիկ կոմիտեների միջև համագործակցության հնարավորություններին։
Նույն օրը դեսպան Աշոտ Սմբատյանը հանդիպել է Վրաստանի խորհրդարանի Իրավական հարցերի հանձնաժողովի ղեկավար Արչիլ Գորդուլաձեի հետ։
Ըստ աղբյուրի՝ քննարկվել են ՀՀ և Վրաստանի խորհրդարանների համապատասխան հանձնաժողովների միջև համագործակցության ընդլայնման և փորձի փոխանակման հնարավորությունները։
ՀՀ դեսպան Աշոտ Սմբատյանին նույն օրն ընդունել է Վրաստանի տնտեսության և կայուն զարգացման նորանշանակ նախարար Մարիամ Քվրիվիշվիլին։
Նշվում է, որ դեսպանը շնորհավորել է նախարարին՝ պատասխանատու պաշտոնը ստանձնելու կապակցությամբ։
Զրուցակիցները քննարկել են ՀՀ և Վրաստանի միջև առևտրատնտեսական հարաբերությունների խորացման և գործարար կապերի ընդլայնմանն առնչվող հարցերի լայն շրջանակ։
Բաժանորդագրվեք մեր ալիքին Telegram-ում