1 րոպեի ընթերցում
Իրավապահ մարմինները քննչական գործողություններ են իրականացնում Հայ Առաքելական եկեղեցու Շիրակի թեմի առաջնորդարանում։
Ինչպես հաղորդում է «Արմենպրես»-ի թղթակիցը, իրավապահ մարմինները վաղ առավոտից՝ ժամերգությունից առաջ, մտել են առաջնորդարան, փակել են դռները ու քննչական գործողություններ են իրականացնում։
Առաջնորդարանի դիմաց այս պահին հավաքվել են Հայ Առաքելական եկեղեցու Շիրակի թեմի առաջնորդ Միքայել արքեպիսկոպոս Աջապահյանի մի խումբ աջակիցներ։
Քիչ առաջ ոստիկանները առաջնորդարանի դիմացից բերման են ենթարկել աջակիցներից մեկին։
Հունիսի 26-ին ՀՀ դատախազությունը հայտնել էր, որ քրեական վարույթ է նախաձեռնվել Հայ Առաքելական եկեղեցու Շիրակի թեմի առաջնորդ Միքայել արքեպիսկոպոս Աջապահյանի այն հայտարարության առնչությամբ, թե Հայաստանում պետք է ռազմական հեղաշրջում արվի։