1 րոպեի ընթերցում
Մոնղոլիայի կառավարության ղեկավար Օյուն Էրդենե Լուվսանամսրայնը հրաժարական է տվել այն բանից հետո, երբ խորհրդարանում վստահության շուրջ քվեարկության ժամանակ չի կարողացել ապահովել պատգամավորների բավարար աջակցությունը: «Արմենպրես»-ի փոխանցմամբ՝ այս մասին հաղորդում է The Guardian-ը։
Անհրաժեշտ նվազագույն 64-ից միայն 44 պատգամավոր է քվեարկել ի աջակցություն վարչապետի։
Քվեարկությունը տեղի է ունեցել մի քանի շաբաթ տևած բողոքի ցույցերից հետո, որոնք սկսվել էին վարչապետի որդու կողմից չափազանց շատ ծախսերի մասին հաղորդագրությունների հրապարակումից հետո։
Օյուն Էրդենե Լուվսանամսրայնը Մոնղոլիայի վարչապետի պաշտոնը զբաղեցրել է 4 տարի։