Խաչատրյանի անվան մրցույթի բացման արարողությանը կհնչեն Խաչատրյանի սիրված ստեղծագործությունները

Խաչատրյանի անվան միջազգային մրցույթը շարունակում է համախմբել տաղանդավոր երաժիշտների և երաժշտասերների՝ նշանավորելու մեծ կոմպոզիտորի ծննդյան օրը։ Հունիսի 6-ին հանդիսատեսին սպասվում է տպավորիչ բացման արարողություն, որտեղ Հայաստանի պետական սիմֆոնիկ նվագախումբը կներկայացնի Արամ Խաչատրյանի սիրված ստեղծագործությունները՝ հատվածներ «Սպարտակ» բալետից, Ջութակի կոնցերտը (մենակատար՝ ջութակահար Նին Ֆեն)։ 

«Արմենպրես»-ի փոխանցմամբ՝ համերգը կղեկավարի դիրիժոր Սերգեյ Սմբատյանը։ 

Հայաստանի պետական սիմֆոնիկ նվագախումբը Խաչատրյանի անվան միջազգային մրցույթի պաշտոնական նվագախումբն է։

Մրցույթն այս տարի կանցկացվի «դիրիժորություն» մասնագիտական կարգում։ Խաչատրյանական մրցույթը կազմակերպում է «Արամ Խաչատրյան» մշակութային հիմնադրամը՝ ՀՀ ԿԳՄՍ նախարարության աջակցությամբ։ Մրցույթի ռազմավարական հովանավորն է Freedom Broker Armenia-ն։

Մրցույթը Միջազգային երաժշտական մրցույթների համաշխարհային ֆեդերացիայի (WFIMC) անդամ է։