Հունգշույ գետի վրա «լողացող վիշապ»-ը Չինաստանի Էնշի քաղաքի զբոսաշրջային այցեքարտերից է

Չինաստանի Էնշի քաղաքում Հունգշույ գետի վրա «լողացող վիշապը»-ը Չինաստանի Հուբեյ նահանգի Էնշի-Տուցզյա-Մյաոսկոմի ինքնավար շրջանի զբոսաշրջային տպավորիչ ու հիշարժան այցեքարտերից է:  

«Արմենպրես»-ի թղթակիցը «Աշխարհը դիմավորում է ձեզ այստեղ.արտասահմանյան լրագրողների ճամփորդություն Հուբեյում» ծրագրով լրագրողական շրջայց է կատարել նահանգում և ծանոթացել տեղի զբոսաշրջային հայտնի վայրերին, հյուրընկալության ավանդույթներին ու տեղական մշակույթի այլ գրավիչ առանձնահատկությունների:

Հունգշույ գետի վրայով «նավարկող վիշապ»-ն ավելի քան 3 տասնյակ բամբուկե լաստերից կազմված տպավորիչ կոմպոզիցիա է՝ 252 մետր ընդհանուր երկարությամբ, որը կարող է տեղավորել մինչև 140 զբոսաշրջիկի։

Այս լաստանավերը, որոնք կազմում են «վիշապի մարմինը», գեղարվեստական ​​լուսավորության և երաժշտության հետ միասին, ստեղծում են Հունգշույ գետի մակերեսով պտտվող հսկա  վիշապի ֆանտաստիկ տեսարան։ 

Նախագիծը ստեղծումից ի վեր ենթարկվել է արդիականացման՝ դառնալով լիովին էլեկտրական և «խելացի», ինչն ապահովել է զրոյական արտանետումներ, իսկ այցելուների համար՝ բարենպաստ շրջակա միջավայրի ու հարմարավետության ներդաշնակ համադրություն։ 

Երեկոյան, երբ գետի ափերը լուսավորվում են տոնական զարդարանքի նմանվող լապտերներով, բացվում է առանձնահատուկ գեղատեսիլ համայնապատկեր՝ ինչպես գետի արտացոլանքում. այնպես էլ ափերի ամբողջ երկայնքով։ 

Հյուրերը լաստանավային զբոսանքի ընթացքում  կարող են վայելել  տուցզյա ժողովրդական երգեր և կենսուրախ ավանդական պարեր՝ լիովին ընկղմվելով այս յուրօրինակ վայրի իսկական մշակութային մթնոլորտում: