368.07
Իրանը թույլ չի տա թշնամիներին խաթարել Հայաստանի հետ իր ռազմավարական հարաբերությունները. Իրանի ազգային անվտանգության բարձրագույն խորհրդի քարտուղար
1 րոպեի ընթերցում
Իրանը թույլ չի տա թշնամիներին խաթարել Հայաստանի հետ իր ռազմավարական հարաբերությունները, հայտարարել է Իրանի ազգային անվտանգության բարձրագույն խորհրդի քարտուղար Ալի Աքբար Ահմադիանը:
Ինչպես տեղեկացնում է «Արմենպրես»-ը՝ վկայակոչելով Tasnim-ը, Հայաստանի անվտանգության խորհրդի քարտուղար Արմեն Գրիգորյանի հետ մայիսի 18-ին Թեհրանում կայացած հանդիպման ժամանակ Ահմադիանը հայտարարել է, որ Իրանի և Հայաստանի միջև «ռազմավարական հարաբերությունները» և սերտ համագործակցությունը բոլոր ոլորտներում կնպաստեն տարածաշրջանային խաղաղությանն ու կայունությանը:
Իրանը թույլ չի տա թշնամիներին որևէ վնաս հասցնել երկու հարևանների միջև լավ հարաբերություններին, հայտարարել է նա:
Ըստ աղբյուրի՝ իրանցի պաշտոնյան նաև ընդգծել է Թեհրանի և Երևանի միջև համատեղ նախագծերի լիարժեք իրականացման անհրաժեշտությունը:
Գրիգորյանն իր հերթին դրվատել Է Իրանին՝ Հայաստանին աջակցելու համար։
Նա ընդգծել է, որ Հայաստանի և Իրանի միջև հարաբերությունների ընդլայնումը կախված չէ ուրիշների կամքից:
Հայ պաշտոնյան նաև բարձր է գնահատել իրանական մասնավոր հատվածի գործընկերությունը Հայաստանում տնտեսական և էներգետիկ նախագծերում:
Բաժանորդագրվեք մեր ալիքին Telegram-ում