Հայաստանը բարելավել է իր դիրքերը «Մամուլի ազատության համաշխարհային ինդեքս»-ում ՝ հայտնվելով 34-րդ հորիզոնականում
1 րոպեի ընթերցում
«Լրագրողներ առանց սահմանների» միջազգային կազմակերպության հրապարակած «Մամուլի ազատության համաշխարհային ինդեքս» 2025–ում Հայաստանը բարելավել է իր դիրքերը և հայտնվել 34–րդ հորիզոնականում՝ 73.96 միավորով :
«Արմենպրես»-ի փոխանցմամբ՝ նախորդ տարի Հայաստանը զբաղեցնում էր 43–րդ հորիզոնականը:
Ինդեքսը ներառում է շուրջ 180 երկիր։
Հարևան Վրաստանն այս ինդեքսում 114–րդն է, նախորդ տարի 103–րդն էր: Ինդեքսում Ադրբեջանը 167–րդն է՝ 2024–ի համեմատ նահանջելով 3 հորիզոնականով, Թուրքիան 159–րդն է՝ նահանջելով 1 հորիզոնականով: Հարևան Իրանը 176–րդն է, նախորդ տարի ևս նույն դիրքում էր:
Հատկանշական է, որ «Մամուլի ազատության համաշխարհային ինդեքս»-ում Հայաստանն առաջ է նաև ԱՄՆ-ից, որը 55-րդ հորիզոնականում է։
Ինչպես նախորդ տարի, այս տարի ևս ինդեքսը գլխավորում է Նորվեգիան: